Joan den ostegunean, urtarrilak 23, Batxilergoko 1Ako Biologia-Geologia ikasleak udalaren elikadura, ura eta ingurumenaren analisien laborategira joan ziren, Biologia-Geologia mintegiak antolatutako irteera batean.
Bertan egindako tailerren bidez, elikagai-ikuskaritzaren eta laborategietan analizatzeko laginak biltzearen garrantzia azpimarrazten da, hartzen ditugun jaki eta edarien osasungarritasuna egiaztatzeko. Elikagai-iruzurrak antzemateko ADN bidezko teknikek duten garrantzia, elikagaietan agertzen diren ingurumeneko gai kutsakorrak, elikagai-krisia, etab. ere lantzen dira.